English
Leis an Beartas Meán Sóisialta seo, tugtar achoimre ar na cainéil meán sóisialta a úsáideann Oifig IS na hÉireann. Leagtar amach ann cad is féidir leat a bheith ag súil leis ó na cuntais sin, agus an chaoi a n-idirghníomhaímid le lucht féachana.
Láithreacht ar na meáin shóisialta
Tá cuntais ag Oifig IS na hÉireann ar LinkedIn agus Instagram
Bainistíonn an Oifig IS ár láithreacht ar na meáin shóisialta. Déanaimid monatóireacht leanúnach ar na cainéil meán sóisialta sin, agus ar chainéil meán sóisialta eile, maidir le héifeachtúlacht, oiriúnacht agus deiseanna chun cumarsáid níos fearr a dhéanamh lenár lucht féachana. Féadfaimid a chinneadh cuntais nua a oscailt ar na meáin shóisialta nó cuntais a bhaint.
Cad le bheith ag súil leis
Ábhar
Ar ár gcuntais meán sóisialta féadann tú bheith ag súil leis na nithe seo a leanas a fheiceáil:
eolas atá ábhartha don Intleacht Shaorga
scéalta nuachta agus preasráitis
fíricí agus figiúirí atá ábhartha don Intleacht Shaorga
óráidí agus ráitis ó Oifig IS na hÉireann
grianghraif agus físeáin ó imeachtaí
beoshruth imeachtaí
comhairliúcháin agus foilseacháin
ábhar ábhartha eile
Leanúint agus roinnt
Féadann Oifig IS na hÉireann cuntais a leanúint atá ábhartha dá hobair. Má leanann Oifig IS na hÉireann cuntas eile meán sóisialta, ní thugann sé sin le fios go dtugann Oifig IS na hÉireann tacaíocht de chineál ar bith dó.
Má dhéanann Oifig IS na hÉireann ábhar a chomhroinnt nó a thoghadh, ní thugtar aon tacaíocht don teachtaireacht bhunaidh, don duine aonair ná don eagraíocht le fios leis sin. Má leanann tú cuntas meán sóisialta Oifig IS na hÉireann, ní leanaimid thú go huathoibríoch.
Ní léiríonn postálacha ó chuntais eile atá dírithe ar chuntais Oifig IS na hÉireann tuairimí na hOifige IS ná tuairimí an rialtais.
Ná cuir eolas pearsanta ná príobháideach san áireamh i do phostálacha nó teachtaireachtaí chugainn.
Modhnóireacht agus aiseolas
Forchoimeádann Oifig IS na hÉireann an ceart chun tuairimí a scriosadh agus cuntais a thuairisciú:
ina bhfuil teanga mhaslach, gháirsiúil, mhígheanasach nó ionsaitheach, nó nasc chuig ábhar gáirsiúil nó maslach
nach bhfuil ábhartha don ábhar sa phostáil
a dhéanann Oifig IS na hÉireann a phearsanú ar dhóigh ar bith
ar turscar é nó a dhéanann táirgí a chur chun cinn nó a fhógairt
atá ceaptha chun cur isteach ar riarthóirí an leathanaigh nó ar úsáideoirí eile
I gcás sáruithe tromchúiseacha nó leanúnacha ar an mbeartas modhnóireachta, forchoimeádaimid an ceart cosc a chur ar úsáideoirí tuilleadh tráchtanna a phostáil agus cuirfimid bac ar chuntais.
Cuirimid fáilte roimh aiseolas agus forchoimeádaimid an ceart páirt a ghlacadh i gcomhráite nuair is féidir. B’fhéidir nach bhfreagróimid gach teachtaireacht a fhaightear trí ardáin meán sóisialta go haonair.
Infhaighteacht
Déanaimid nuashonrú agus monatóireacht rialta ár gcuntais meán sóisialta le linn gnáthuaireanta oibre, ón Luan go hAoine (gan laethanta saoire poiblí san áireamh). Féadfaimid na cuntais a nuashonrú agus a mhonatóiriú lasmuigh de na huaireanta sin. D’fhéadfadh sé nach mbeidh ardáin meán sóisialta ar fáil scaití, agus ní ghlacaimid aon fhreagracht as easpa seirbhíse.
Séanadh
Níl Oifig IS na hÉireann freagrach as aon shuíomh atá nasctha le haon cheann de na hardáin a úsáidimid, níl sí faoina ndliteanas ná ní fhormhuiníonn sí iad.
Is ar do phriacal féin a úsáideann tú suíomhanna meán sóisialta. Ní ghlacann Oifig IS na hÉireann aon fhreagracht ná dliteanas as aon díobháil, caillteanas ná damáiste a thabhaítear mar thoradh ar aon úsáid a bhaintear as an bhfaisnéis nó ábhar atá ar na suíomhanna seo nó a íoslódáiltear uathu, ná as aon mhuinín a chuirtear iontu.